1. |
||||
Bunte Funke jäje braune Halunke (M. und T. Hardy S. Party)
Do bruchs nit drop ze waate, dat de Andere jet donn
dat kriege mer jerejelt, ja dat maache mer dann schon
da hilf uns ooch kein Schmier nit in unser'm schönen Land
drum stonn me he zesamme un mer leiste Widerstand...
Ref:
Bunte Funke jäje braune Halunke
hejs et hück he en der Stadt
Mit Ostermannfolter jäje dumpfes Jepolter
maache mer de Nazis platt
Bunte Funke jäje braune Halunke
keiner will de Rassistestuss
Mit Populiste und Neofaschiste
maache mer jetz Schluuuuuuuuss
se wulle Zwietracht säe, ja se wulle Ängste schüre
de rechte Arm erhove dursch unser Stadt marschiere
Ausländer verprüjle und Parole schrei'n
doch dat fluppt he in Kölle nit, mer schicke se jetz heim
Ref:
Bunte Funke jäje braune Halunke
hejs et hück he en der Stadt
Mit Ostermannfolter jäje dumpfes Jepolter
maache mer de Nazis platt
Bunte Funke jäje braune Halunke
keiner will de Rassistestuss
Mit Populiste und Neofaschiste
maache mer jetz Schluuuuuuuuss
Bunte Funke jäje braune Halunke
han hück he ne Jrosseinsatz
mit jeile Lieder jäje rechte Brüder
op de Stross un op'm Platz
jo Bunte Funke jäje braune Halunke
keine bruch dat Rassistepack
dem kölsche Jeck jonn Nationale
kräftig op'n Saaaaaaaaaaaack
Nooooo -Hooooo- Geeeee- Saaaaa
Nooooo- Kööööö- Giiiiiiii- Daaaaa
Pro- eN-eR-We, wulle mer wulle mer nit !
|
||||
2. |
||||
Heidewitzka Herr Kapitän !
Refrain:
Heidewitzka Herr Kapitän
Et Müllemer Böötsche fährt noh Syrien
Do künne Flüchtlinge inschecke
Domet se nit im Mittelmeer verrecke
Heidewitzka Herr Kapitän
Et Müllemer Böötsche fährt noh Syrien
Manchmol fährt de 18 bis noh Istanbul
Is dat nit cool - Istanbul
Doch zur Zick do möht se noch jet wiggerjonn
Dohin wo de Flüchtlinge stonn
Liebchen ade Isch han en Idee
Mir stesche janz einfach morjen in See
Un wenn et dann so Richtung Süden anjeiht
rufe mer all vör luter Freud:
Refrain:
Heidewitzka Herr Kapitän...
Wo et nur noch Kreesch un schrecklisch Elend jit
Helfe bestemmp noch mieh Waffe nit
Se liefern deutsche Waffe un verdiene do dran
nur Flüchtlinge wulln se nit han
Liebchen ade, so wahr ich hier steh
Öwermorjen fährt die janze KD
Un wenn et dann in Richtung Süden anjeiht
rufe mer all vör luter
Freud:
Refrain:
Heidewitzka, Herr Kapitän...
|
||||
3. |
||||
Da laachste Dich Kapott (Camping-Leed, Original: Karl Berbuer 1954)
Teilen – ja dat wolln se nit
Charakterlisches Defizit
Jastfreundschaft is ihnen völlisch un-be-kannt
Jägerzaun – ja das muss sein
Voll beschränkt im Eijenheim
Doch se sehn de Schrift nit an der Wand:
(Zwischenruf von hinten: „Arschloch!“)
Un d’r Bachmann, ja der hetz’...
Un dat Sarrazin-Jeschwätz
Un de Söder, dä immer jän im Trüben fischt;
Un dat Petry schürt der Neid
Un dä Seehofer will Streit
Nää, üsch Sackjeseeschter wull mer wirklisch nit...
Refrain:
Da laachste Dich kapott – dat sin Rassiste
Da laachste Dich kapott – die sin so blöd
Denn dat Brett vorm Kopp ja dat mät se janz beklopp
Un jeder rääschte Jiftzwersch is en Trööt
Denn dat Brett vorm Kopp ja dat mät se janz beklopp
Un jeder rääschte Jiftzwersch is en Trööt
De Maiziere, der schafft dat nit
Schäuble mischt janz eiskalt mit
Angstmacher in ihrem E-le-ment
Höre mir opp solche Stuss
Is mit uns’rer Freiheit Schluss
Dann han mir all ne jroße Schangs verpennt
Wer de Abschottung verficht
Der is’ selber nit janz dicht
Denn m’r lääve all in einer Welt
Drum de Jrenze oppjemaat
Un ‚Willkumme’ hee jesaat
Wenn’s däm fiesen Pack och nit jefällt
Refrain:
Da laachste Dich kapott...
|
||||
4. |
Superjeile Welt
03:37
|
|||
Superjeile Welt
Maach ens die Jrenz op, et is noch lang nit Schluss,
mit Kriech un Terror, vor dem mer fliehe muss.
Und all de Lück do, wulle jenau wie mir,
en sichres Lääve, sach dat jeiht doch hier.
Kumm, maach keine Ärjer, loss de Lück erinn.
Et sin ooch deutsche Waaffe, vor denne die do fliehn.
In ner Festung lääve, findste dat wirklich joot?
Du in jeklautem Wohlstand un woanders han se Nut.
Refrain:
Nä, wat wör dat dann he für ne superjeile Welt,
wo jeder lääve künnt wo un wie et ihm jefällt.
Alle Jrenze offe, alle Gläser voll
jo ich weiss janz jenau wo dat ende soll.
Et weed immer schlimmer, mit all de Nazi- Sprüch.
Stonn mer zesamme, loss mer se nit dursch
Bunte Funke springe över ze dir,
braune Halunke, die wulle mer nit hier.
Et is doch dressejal Mann, woher de bist
woran de jläuvst (un) welche Sproch de sprichst.
Mir alle lääve doch he op eine Äd.
Mach mer dat se' n jooter Plaatz für alle Minsche wäd
Refrain:
Nä, wat wör dat dann he für ne superjeile Welt,
wo jeder lääve künnt wo un wie et ihm jefällt.
Alle Jrenze offe, alle Gläser voll
jo ich weiss janz jenau wo dat ende soll...
|
||||
5. |
Dat sin fiese Räuber
03:48
|
|||
Dat sin fiese Räuber
Et jitt fiese Räuber, leev Mariellche,
die jiere noh Rohstoff und schaffe se fott
die riesse die Äd op, dun Minsche verdrievee
vun denne ihr Land, maache alles kapott
Refrain:
Drum loss mer de Räuber dat Handwerk läje
mit raube und plündre kütt kejne mieh dursch.
Mir passe op und falln nit op dern Sprüch rin,
mir stoppe de Räuber, maach dir kejn Sorch.
Lala..
Wo Lück jet pflanze, um sich ze versorje
baue se Sprit für Autos an
se fische dat Meer leer, kejn Jedanke an morje
un dat man Jeld nit esse kann
Refrain:
Drum loss mer de Räuber dat Handwerk läje...
Wat se Freihandel nenne, dät bloß ihne nütze
denn nur der Stärk're verdient dobej
wenn Lück dann fliehe, dann sperrn se de Jrenz zu
wat us denne weed is doch ejnerlei
Un mit dem Drecksjas, dat se verpuffe
zerstörn se dat Klima im Wachstumswahn
Lück fliehe vor Stürme, vor Dürre un Flute
Se verspelle de Zokonft, die mir dann nimmieh han.
Refrain:
Ich mein et hück ihrlich, wenn ich saach, dat jeiht nit,
denn dat künnt och janz anders sin.
Noch don se laache un sare uns stopp nix,
doch morje weede mer wigger sin.
Drum loss mer de Räuber dat Handwerk läje
mit raube und plündre kütt kejne mieh dursch.
Mir passe op und falln nit op dern Sprüch rin,
mir stoppe de Räuber, maach dir kejn Sorsch.
Lala...
|
||||
6. |
Kölsche Mädscher
03:16
|
|||
Kölsche Mädscher
Mir sin nit jäje Mijrante Mir finge die wirklich jot
Minge beste Fründe sin Türke - Mit Islamismus nix am Hot
Sinn isch Rassiste marschiere
Dät isch am leevste schrein
Leeve Imis losst uns Met denne nit allein
Refrain:
Denn mir sin kölsche Mädsche
Han de Rassiste satt
Mir losse uns nit benutze
Für irjenz ne Nazikack
Mir sin, ejal wat ihr rumschwaadt,
beim Verliebe völlig frei
dä eine Schuss kütt us Syrie,
ne andere us dr Türkei
Vielleisch han Rassiste jo Ängste,
dat die ene längere han
do sare mer nur: dat mäht nix -
üsch losse mer janit eetz ran
Refrain:
Denn mir sin....
Faschismus is keine Meinung -
Faschismus is kriminell
All die Brandanschläje
op Flüchtlinge lodern hell
Wenn do meins die möhte nit kumme,
Dann loor doch ens rischtisch hin
Et sin och deutsche Waffe
vor denne die do fliehn
Refrain:
Jo, mir sin....
Un wat es met uns? Mir han die och satt!
(Männer)
Mir sin Antifaschiste
Die jit et in jedem Land
Wulle Nazis sisch he tummele
Do simmer im Widerstand
(Alle)
Mir sin Antifaschiste
Die jit et in jedem Land
Wulle Nazis sisch he tummele
Do simmer im Widerstand
Schluss:
Frau:
„Ävver wie!“
Mann:
„Da jitt et Kasalla!“
|
Hardy S. Party Köln, Germany
Willkommen im online shop der Südpol Musik von Hardy S. Party. Hier gibts die tracks zu den verschiedenen Projekten in Ibiza, Berlin, Köln... in enormer Stilbreite: vom Crossover Rock der 90er über Polit Pop mit den "Occupy Singers", vom Balearic Funk bis zum Agit Pop der "Pappnasen Rotschwarz." Viel Vergnügen ! ... more
Streaming and Download help
If you like die Pappnasen Rotschwarz - Mer stelle alles op de Fööss, Südpol CD38394, you may also like:
Bandcamp Daily your guide to the world of Bandcamp